شباب منياوى - شباب بيحب مصر
أهلا بك ضيفنا الكريم
نرجو تسجيل الدخول إذا كنت عضوا بيننا
أو اضغط على التسجيل لتسجيل عضوية جديدة

شباب منياوى - شباب بيحب مصر

منتدى لكل الشباب المنياوية
 
الرئيسيةبوابة المنياويةس .و .جالتسجيلدخول

شاطر | 
 

 حكاية البطه بطوطه للااطفال

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ISLAM

avatar

عدد المساهمات : 29
تاريخ التسجيل : 22/03/2011
العمر : 27

مُساهمةموضوع: حكاية البطه بطوطه للااطفال   الجمعة 01 أبريل 2011, 4:59 pm

كان يا ما كان يا سعد يا إكرام وما يحلى الكلام الا بذكر النبي عليه الصلاه والسلام
كان فيه بطه صغيره اسمها بطوطه

بتعيش على شاطىء بحيره وكانت بتاكل السمك والاعشاب الصغيره
لكن كان فيه ثعلب مكار كان داايمآ بيطاردها فكانت بتخاف وتفضل في المايه لحد ما يمشي بعيد
وبعدين تخرج من المايه

ومرت الايام وتعلوب داايمآ بيطاردها وعاوز ياكلها
فقالت لنفسها انا هروح لجارتي كوكي الفرخه واطلب منها اعيش معاها
لان عندها بيت جمب البحيره وليه باب قوي....


وفعلآ راحت لجارتها الفرخه كوكي وطلبت منها تعيش معاها في بيتها لان تعلوب بيطاردها

[url=http://forums.fatakat.com/thread1340271]
[/url]
لكن الفرخه كوكي رفضت وبصت لها بغرور وقالتلها انا باب بيتي قوي ومش بخاف من تعلوب وهو مش بيطاردني
دا بيطاردك انتي وانا كمان مش بحب حد يعيش معايا
روحت بطوطه وهي بتبكي وزعلانه من الفرخه كوكي
وفي الصباح خرجت كوكي من بيتها عشان تروح تجيب الاكل لنفسها
ونسيت تقفل باب بيتها كويس
شاف تعلوب الباب مفتوح طلع يجري عشان يدخل جوه البيت

وفعلآ دخل تعلوب البيت واستخبى في مكان بعيد فيه
جت الفرخه كوكي ومعاها الاكل وقفلت باب البيت وقعدت تاكل وهيه مبسوطه وبتغني
كاك كاك كاك...انا اقوي الفرخات
اكل اكلي كله ويصير عندي عضلات
وهيه بتاكل لقت صوت بيضحك وبيقولها انا هاكلك النهارده وهجم عليها تعلوب وحطها في شواله

وخدها وخرج شافته البطه بطوطه فطارت وراه

ووصلت عند بيته وهو دخل وفتح الشوال وخرج كوكي وقعد يغلي مايه عشان يطبخها وياكلها
جت بطوطه ووقفت على شباك بيته وتقول بق بق بق
شافها تعلوب خرج بره البيت عشان يمسكها وياكلها هيه كمان
فقامت كوكي قفلت الباب بالقفل من جوه وبطوطه دخلت معاها جوه البيت
ففكر تعلوب ازاي يدخل البيت قال انا لازم ادخل من الشباك وبطوطه قالت لكوكي يلا بينا نحط المايه المغليه تحت الشباك عشان لما يدخل من الشباك يموت
حط تعلوب حجاره فوق بعضها عشان يوصل للشباك ونط من الشباك ووقع في المايه المغليه ومات
وكوكي قالت لبطوطه انا اسفه قوي ومكسوفه منك عشان مرضتش اساعدك
لكن انا اتعلمت اني لما حد يحتاج مني مساعده وانا قادره اساعده لازم اساعده
ولازم ابطل غرور واحنا كلنا اخوات
وبالتعاون سوا هنقضي على الاشرار
وتوته توته خلصت الحدوته........تصبحوا على خير

الرجوع الى أعلى الصفحة اذهب الى الأسفل
 
حكاية البطه بطوطه للااطفال
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شباب منياوى - شباب بيحب مصر :: البيت المنياوى :: حديقة الطفل-
انتقل الى: